A Policía Nacional procedeu á detención, coa colaboración da Policía Local de Ribeira, dunha persoa por un suposto delito contra a seguridade do tráfico despois de dar positivo na proba de alcoholemia. O condutor foi interceptado na zona portuaria da capital barbancesa na madrugada de onte.
A realización do test por parte da policía municipal deu como resultados 1,23 e 1,18 miligramos de alcol por litro en aire expirado,o que supón practicamente cinco veces máis que o máximo legal permitido, fixado en 0,25.
