Licitadas as obras de pavimentación e pluviais na zona da Atalaia en Corrubedo

08 Xuño 2020

O Concello de Ribeira informa da licitación dunha nova actuación consistente na pavimentación e instalación de pluviais a tres camiños situados na zona coñecida como A Atalaia, no entorno do cemiterio desta
parroquia.
Cun orzamento de 146.932 euros, IVE incluído, e un prazo de execución de tres meses, a actuación constará por unha parte da pavimentación con aglomerado asfáltico en quente dos tres camiños en cuestión (sobreanchos incluídos) e, por outra, a dotación dunha nova rede de pluviais polo centro da calzada de cada camiño, dispoñendo pozos de rexistro cada corenta metros e arquetas sumidoiro nos laterais.
Os interesados dispoñen ata mañá martes 9 de xuño á medianoite para formular as súas ofertas a través do Sistema de Licitación Electrónica da Xunta de Galicia.
O investimento está incluído no Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2019 da Deputación.

Camiño da Atalaia Corrubedo

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...