Boiro impulsará a súa Axuda no Fogar con fondos da Deputación

11 Xuño 2020

Boiro recibiu este xoves 11 de xuño a visita do deputado delegado da área de Asistencia aos Concellos, José Manuel Lage Tuñas, e a deputada responsable de Educación, Sandra González, que mantiveron unha xuntanza co alcalde, José Ramón Romero, e cos membros do Goberno municipal boirense. O fío temática da reunión foi analizar as necesidades do municipio tras a crise sanitaria da COVID-19. Nela acordouse (entre outras cousas) fortalecer o servizo de Axuda no Fogar boirense, co apoio da entidade provincial. A reunión enmárcase nunha xira dos deputados polos municipios da provincia, co fin de “escoitar as súas necesidades sociais e económicas”.

Lage lembrou que o pleno do Goberno provincial vén de aprobar por unanimidade unha achega extraordinaria de 19 millóns de euros, ao abeiro do Plan Único, para apoiar aos concellos coruñeses a paliar os efectos da COVID-19. “Desta contía”, dixo, “a comarca de Barbanza vai recibir 2,2 millóns de euros e Boiro preto de 300.000 euros”. Segundo fixo saber, trátase de fondos dirixidos principalmente a fortalecer os servizos sociais dos concellos e mailo proceso de recuperación económica.

Pola súa banda, o alcalde boirense agradeceu a visita dos deputados provinciais, subliñou “a aposta” do seu Goberno por reforzar a área social e destacou “a utilidade duns fondos que nos permiten reforzar o servizo de Axuda no Fogar ou comprar material de protección sanitaria”.

O rexedor dixo tamén que parte dos fondos, entorno aos 200.000 euros, destinaranse a mellorar a accesibilidade de catro parroquias e catro núcleos rurais do concello, “contribuíndo así a optimizar infraestruturas e reactivar a economía local”.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...