A Pobra aposta por manter parte do seu programa de actividades de verán

12 Xuño 2020

A actual situación sanitaria está a reformular radicalmente o panorama festeiro dos nosos concellos para o verán, un panorama que será ben diferente ao do ano pasado e que se deixará notar, especialmente, no feito de que non haberá actividades multitudinarias ou dificilmente controlábeis no seu aforamento. Apostarase por aquilo que entre dentro dos límites da seguridade para a poboación. No Concello de Pobra seguirase esta liña e esta semana anunciouse que o programa de actividades estivais de ocio, festividades e cultural non será un programa baleiro e incluirá varias citas salientábeis para marcar na axenda.

Por exemplo a Feira Mariñeira, que o ano pasado celebrouse entre o 12 e o 14 de xullo, no marco da programación máis ampla da Semana do Mar. Segundo explicou o Goberno local, todo indica a que a nova edición da feira celebrarase finalmente nos últimos días de xullo, cos postos de venda habilitándose nos postos dos xardíns.

Tamén se dará impulso ás rutas xacobeas a vela polo mar de Arousa, das que falamos os días pasados dende O Barbanza e, ademais, existe a previsión de manter até o outubro a visitas teatralizadas de Serafín Marcos, que terán periodicidade mensual.

Polo que se refire ás grandes festividades do calendario pobrense, as do Carme dos Pincheiros, O Nazareno e Os Pincheiros, se ben cancelaron as súas actividades a pé de rúa barállase a posibilidade, dende o Concello, de achegar algunha iniciativa simbólica para público limitado.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...