O Concello de Boiro segue a restablecer os seus servizos administrativos e a recuperar a atención presencial que se paralizara con motivo do Estado de Alarma pola pandemia da COVID-19. Nesta liña de volta á normalidade, a Oficina Municipal de Información á Xuventude recupera esta semana a atención presencial con cita previa dous días á semana.
O Concello lembra que na OMIX proporciónase todo tipo de información e asesoramento sobre servizos para a xuventude, cursos de formación, ofertas de emprego, ocio e tempo libre e realízanse outros trámites como a solicitude do Carné Xove ou axudas municipais para estudantes.
A Oficina Municipal de Atención á Xuventude atópase no primeiro andar do Centro Social de Boiro.
Para solicitar cita previa para atención presencial, ou realizar calquera outro trámite de xeito telemático ou telefónico, as persoas interesadas poden poñerse en contacto a través do enderezo electrónico omix@boiro.org ou o teléfono 981 84 26 35.