A Dorna desbota o programa na rúa e prepara actividades online seguras e sen público

08 Xuño 2020

Ramón López, no centro da imaxe, na súa investidura como presidente da Real e Ilustre Cofradía da Dorna, celebrada en Ribeira antes da chegada da pandemia

A Real e Ilustre Cofradía da Dorna, organizadora da festa ribeirense do mesmo nome, vén de emitir un comunicado oficial no Facebook no que aclara dúbidas sobre os dixomedíxomes que viñan motivándose nos últimos meses sobre como lle ía influír á festividade unha situación tan complexa como a da COVID-19, e máis tendo en conta que unha das características máis destacadas desta celebración é o seu carácter multitudinario e participativo, ao que hai que engadir o seu potencial para disparar en poucos días a poboación do concello. A confraría, para garantir a seguridade da xente e tamén pola imposibilidade de adaptar boa parte das súas actividades a formatos limitados e reducidos, decidiu cancelar as iniciativas na rúa.

“En ningún momento tivemos a intención de poñer en risco a saúde da xente”, sinalan, en relación á polémica suscitada pola posibilidade de que si que houbese iniciativas con aforamentos mínimos, unha opción que foi barallada (como tantas outras) durante as asembleas e as xuntanzas das dorneiras e dos dorneiros destinadas a atopar as melloras solucións para unha problemática que, cómpre recoñecelo, nunca antes se dera na historia desta celebración nin de ningunha outra. Desbotada esta vía para garantir a saúde da comunidade dorneira, a confraría estuda seriamente a posibilidade de desenvolver “unha singradura simbólica”, que inclúa actividades sen público e pechadas que poidan ser retransmitidas en streaming para que a xente poida desfrutalas dende os seus fogares a través das redes e na liña das actividades culturais e festeiras que se fixeron durante o máis cru da corentena.

A confraría pídelles aos seareiros da Dorna e á poboación en xeral que manteñan “un comportamento exemplar durante os días nos que foi fixada a singradura número 72”, do 23 ao 26 de xullo, co fin “de que non haxa actividades irresponsábeis que poidan manchar o bo nome da Dorna”.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...