A Deputación da Coruña destina máis dun millón de euros aos entes de xestión turística, entre os que se atopa Arousa Norte

10 Xuño 2020

A área de Turismo da Deputación da Coruña vai destinar máis de un millón de euros aos entes de xestión turística dos concellos ante os desafíos da desescalada e da volta á normalidade. A partida de axudas, unha iniciativa para mitigar os graves efectos da crise sanitaria no sector, foi dada a coñecer polo vicepresidente e deputado de Turismo, Xosé Regueira, quen informou que os apoios irán destinados a impulsar proxectos de modernización e dinamización. Segundo fixo saber, os entes de xestión son “unha peza clave para a recuperación do turismo”. Entre estas entidades atópase a Mancomunidade Arousa Norte (A Pobra do Caramiñal, Boiro, Rianxo e Ribeira) e a Asociación Rural para Desenvolvemento da Ría de Muros-Noia.

A contía repartirase entre as catorce propostas que traballan en todo o territorio da Coruña e que reciben axudas de até 120.000 € para a consolidación das súas estruturas administrativas e as actividades que desenvolven ao longo do ano, encamiñadas neste caso a contribuír a superar a crise provocada pola COVID19.

A Asociación de Empresarios do Camiño de Santiago a Fisterra-Muxía, Asociación de Desenvolvemento Rural Mariñas-Betanzos, A Asociación Empresarios e de Promoción Turística de Camariñas, a Asociación Rural de desenvolvemento da Ría de Muros-Noia, a Asociación Socio-Cultural Agua e Sal, a Asociación para o Desenvolvemento do Turismo de Calidade da Comarca de Ortegal, Costa da Morte Asociación Turística, as Mancomunidades Ría de Arousa-Zona Norte, Concellos Comarca de Ferrol e Comarca de Ordes, Información e Comunicación Local de Santiago (Incolsa), Sociedade Mixta de Turismo de Ferrol, Asociación de Concellos do Camiño Inglés e Consorcio de Turismo e Congresos da Coruña son as entidades beneficiarias da convocatoria.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...