PP repetiría maioría absoluta, PSdeG sería segunda forza e Vox non lograría escanos en Galicia, segundo o CIS.
O PPdeG obtería por cuarta vez unha maioría absoluta no Parlamento galego nas eleccións do 12 de xullo, con entre 40 e 42 escanos (a maioría está en 38), mentres que os socialistas galegos situaríanse como a segunda forza, e Vox e Cidadáns quedarían fóra da Cámara autonómica, de acordo cos resultados da enquisa do Centro de Investigacións Sociolóxicas (CIS) difundidos este mércores.
O avance das eleccións do 12 de xullo da un resultado similar ao dos anteriores comicios galegos, de setembro de 2016, ao PP de G o que concede un 46 por cento dos votos con 41 representantes.
No caso do PSdeG subiría en dous escanos quedando entre 16 e 18 asentos, sería a segunda forza.
Si obtería representación Galicia en Común- Anova Mareas, que lograría entre catro e seis deputados e situaríase como cuarta forza, por detrás do BNG. A formación nacionalista, que concorre ás eleccións rexistraría un forte ascenso e pasaría de seis a entre 12 e 14 escanos.
O CIS apunta a que nin Marea Galeguista quinta forza, nin Cidadáns nin Vox lograrián representantes no Parlamento de Galicia na próxima lexislatura.
MArea Galeguista lograría o 2,9 por cento dos votos, seguido cun 2,2 por cento Cidadáns, como sétima opción aparece Vox, que tería o 1,4 por cento dos votos en Galicia. O PACMA, pola súa banda, lograría o 0,9 por cento.
O número de indecisos elevase a 31,6 por cento; mentres que un 9,9 por cento preferiu non contestar; un 4,2 por cento indicou que se absterá; un 1,4 por cento prevé votar en branco; un 0,5 por cento, nulo; e un 0,3 por cento, a outros partidos.
Por provincias na Coruña o PPdeG obtería 13 escanos pola, entre 10 e 11 por Pontevedra e entre oito e nove tanto en Lugo como en Ourense.
O PSdeG lograría cinco na Coruña s e outros cinco na segunda, mentres que nas dúas últimas chegaría a entre tres e catro.
O BNG, lograría entre catro e cinco representantes pola Coruña; catro por Pontevedra; entre dous e tres por Lugo e a dous por Ourense.
A Coruña tería entre dous e tres representantes de Galicia en Común- Anova Mareas; Pontevedra tería dous; e Ourense entre cero e un. Esta formación non obtería escanos en Lugo, segundo o CIS.
