PuntoGal contribúe á dixitalización de negocios co programa Abre na Rede

04 Maio 2020

PuntoGal, en colaboración con Dinahosting e Cdmon, lanza o programa Abre na Rede!, dirixido a empresas e autónomos afectados polo cesamento obrigatorio da súa actividade debido á crise sanitaria causada pola COVID-19. O proxecto consiste nun lote cun dominio .gal e aloxamento web, de balde durante un ano. Con esta medida, o dominio quere axudar no proceso de dixitalización dos sectores máis afectados pola pandemia: hostalaría, comercios, turismo ou cultural, entre outros.
Abre na Rede! é unha ferramenta que posibilitará aos autónomos e pequenos negocios que non dispoñan de actividade na Internet acceder sen custo a un dominio e aloxamento web durante o primeiro ano. Para beneficiarse desta iniciativa é preciso cumprir coas condicións da promoción, e o número de dominios dispoñíbeis é limitado, polo que as peticións se atenderán por orde de chegada.

O director xeral de PuntoGal, Darío Janeiro, sinalou que “esta crise aféctanos a todos, e todos debemos colaborar na súa solución. Por iso, dende o dominio queremos botar unha man para axudar aos comercios locais, bares, restaurantes ou salas de concertos que non poden abrir, así como aos músicos ou artistas que non poden actuar, a abrir unha fiestra na Rede na que poder seguir comunicándose cos seus clientes ou ofrecendo os seus servizos”.

Na súa opinión, “é importante axudar neste momento e tanto desde PuntoGal como desde os rexistradores que se sumen a este iniciativa queremos poñer nas mans do tecido económico máis afectado ferramentas para aliviar un pouco os efectos do confinamento e xerar novas oportunidades”, engadiu.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...