O Concello de Boiro xa leva repartidas máis de 7.000 máscaras reusábeis

19 Maio 2020

O Concello de Boiro, a través do servizo local de Protección Civil, vén de facer reconto do material de protección sanitaria distribuído nos días pasados para pór freo no termo municipal á pandemia de COVID-19. Segundo fai saber, os operarios municipais, que comezaron a distribución nas parroquias con menos habitantes, levan xa repartidas máis de 7.000 máscaras entre as veciñas e veciños. Trátase de material sustentábel e reusábel, elaborado por un grupo local de modistas que están a traballar de xeito voluntario.

Segundo lembra o Concello, o traballo “estase facendo en man, casa por casa”, xa que, deste xeito “gáñase en efectividade, porque as entregamos directamente ás persoa”, sinalan os operarios, que recordan que “se está a tomar nota daquelas vivendas nas que non hai ninguén para volver máis tarde”. O reparto comezouse nas parroquias de Cures e Moimenta, despois seguiuse por Bealo, Cespón, Abanqueiro e O Castro. Esta semana vaise comezar xa o reparto na parroquia de Lampón e a última en repartir será Boiro.

As modistas elaboran nas súas casas as máscaras con tecido homologado, parte del doado pola empresa local JEALFER e tamén por The Desiree Shop, e outra parte mercado polo Concello. Os operarios de Protección Civil encárganse de repartir todo o material que precisan as modistas, como tela, fío e goma, e tamén de facer a recollida das máscaras xa elaboradas e entrega nos domicilios.

O alcalde de Boiro, José Ramón Romero, agradeceu encarecidamente “o labor que estas máis de 50 voluntarias están a realizar para a elaboración das máscaras, que tan necesarias son nestes momentos”, e tamén salientou o importante esforzo de Protección Civil para “chegar a todas as vivendas”. Tamén convidou á cidadanía a seguir sendo responsábel no uso deste material de protección e de cumprir con todas as demais medidas ditadas polas autoridades sanitarias.

Outros artigos

Publicidade

Revista en papel

Opinión

“Los ministros del Gobierno no se entienden”. Arturo Maneiro

“Los ministros del Gobierno no se entienden”. Arturo Maneiro

En los últimos días, el Gobierno de coalición del PSOE y Sumar está pasando por su peor momento de desacuerdos y discrepancias legislativas que no parece que vayan a tener fin en el corto plazo. Es más, parecer un mal progresista y progresivo.La falta de acuerdos en...

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...