Galicia incrementará o aforo de restaurantes ao 50% desde o luns

O Centro de Coordinación de Operativa ( Cecop) da Xunta de Galicia acordou incrementar o aforo dos restaurantes e locais de hostalería ata o 50% da súa capacidade a partir deste luns. Para facelo, esta entidade, que conta con representantes da Delegación do Goberno, Xunta de Galicia e Federación Galega de Municipios e Provincias (Fegamp), ampárase en que «as instrucións publicadas no Boletín Oficial do Estado (BOE) para a fase 2, autorizan ás distantas comunidades a modificar o aforo máximo no interior destes establecementos, ben reducíndoo ao 30% ou incrementándoo ao 50%». Foi este sábado cando os representantes das tres institucións chegaron a este consenso, segundo explicou o vicepresidente da Xunta, Alfonso Rueda, tras o encontro.

Os locais deberán «manter as medidas de seguridade establecidas polo Ministerio de Sanidade», para o que o Goberno galego ha reservado unha parte do seu Plan de Reactivación do sector turístico que «favoreza a adecuación hixiénico-sanitaria destes establecementos hostaleiros, que garanta a seguridade a traballadores e usuarios». Esta ampliación conleva tamén unha «especial chamada de atención á responsabilidade dos usuarios de hostalería e ao ‘ sentidiño’ que se reclama sempre para poder seguir progresando durante esta pandemia» ata recuperar unha vida medianamente normal, subliñou Rueda.