Sae a licitación o proxecto de humanización da rúa da Fonte de Portosín e as obras de acondicionamento das rúas Salvador, Costa Granxa e Petón de Baia na localidade sonense.
Os proxectos, financiados ao 100% con fondos do Plan Único (POS+2019) da Deputación, están en fase de licitación pública ata o vindeiro 27 de maio.
Polo seu importe (100.665 euros), destaca o proxecto de humanización da rúa da Fonte, en Portosín, que se atopa nun evidente estado de deterioro debido ás irregularidades da calzada provocadas polas numerosas gabias abertas para acometer instalacións e conta con múltiples barreiras arquitectónicas.
As obras suporán unha reforma integral da rúa, actuando sobre as beirarrúas, a calzada, as instalacións aéreas e subterráneas, ademáis de na confluencia co Paseo de Coira e a rúa do Con.
O proxecto contempla a eliminación das barreiras arquitectónicas, redefinindo un ámbito onde o peón prevaleza fronte ao tráfico rodado. Pavimentarase toda a rúa, eliminando os parches e fochancas existentes e mellorando notablemente o seu aspecto, ao que contruibuirá tamén o soterramento da maioría das instalacións aéreas de electricidade, alumeado e telefonía e a renovación das subterráneas. Ademáis dotarase ao conxunto de novo mobiliario urbano e árbores.
A fonte que da nome á rúa, recollida no catálogo de patrimonio cultural do PXOM de Porto do Son, será tamén recuperada e posta en valor.
Tamén se levará a cabo do acondicionamento doutras tres rúas do municipio: Petón da Baia, Costa Granxa e Petón, nas que se instalarán colectores separados para augas pluviais e residuais e se pavimentarán con formigón armado pulido con acabado rugoso en cor ocre, en sintonía con outras rúas do muncipio.
