Ribeira consultará á Xunta sobre a posible reapertura do mercadillo. Ampliados efectivos do GAEM e segue o reparto domiciliario de mascarillas

21 Abril 2020

Logo de que unha modificación no decreto estatal do Estado de Alarma volve a deixar aberta a posibilidade de celebar mercados de proximidade, o Concello de Ribeira decidiu hoxe na Comisión de Seguimento da Evolución do COVID-19 elevar unha consulta á Xunta de Galicia como institución competente sobre a eventual celebración ou non do mercadillo dos sábados.
Cómpre lembrar ao respecto que unha orde da Consellería de Medio rural publicada no DOG o 24 de marzo prohibía a partir do 31 a celebración de mercados tradicionais, pero prevía xa unha serie de medidas de seguridade para cando se levantase tal prohibición: medidas que, por certo, foron concretadas seguindo o modelo que se aplicou en Ribeira ao principio do confinamento, cando se mantivo a parte dedicada a alimentación.
No caso de non obter resposta positiva, o Concello seguirá mantendo pechado o mercadillo da cidade.

Por outra parte, tamén na Comisión se aprobou contratar dous novos membros para o GAEM mentres dure o Estado de Alarma, o que eleva a dez o número de efectivos entre o grupo de emerxencias e Policía Local que se deron de alta durante o confinamento para reforzar estes servizos.
Outros asuntos abordados foron as novas denuncias formuladas pola Policía Local por incumprir o confinamento (catro nas últimas 24 horas) e a adquisición de 300 metros de tela para a confección doutras 12.600 mascarillas. A este respecto, cómpre informar de que o reparto domiciliario de mascarillas xa pasou por Corrubedo, Olveira, Artes, Oleiros, Castiñeiras e Carreira e hoxe estaba previsto principiar Palmeira.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...