Peñas Boiro inicia nos supermercados unha campaña urxente de recollida de alimentos

07 Abril 2020

Por mor da situación de urxencia para moitas familias en risco derivada da crise sanitaria e o Decreto de Alarma, unha circunstancia que agrava as dificultades dos fogares dos nosos concellos, Peñas Boiro Asociación Cultural vén de pór en marcha unha campaña solidaria de recollida de alimentos con vistas a incrementar os recursos que Cáritas destina ás devanditas familias no termo municipal boirense.

A iniciativa, que recolle o fío dunha colaboración entre as dúas entidades que xa vén de antigo, céntrase sobre todo en incrementar a dispoñibilidade de produtos básicos de meirande demanda, como son o leite, o aceito de xirasol, o azucre e a fariña. Con todo, Peñas Boiro e Cáritas sinalan que calquera contribución solidaria será benvida, por pequena que sexa (sempre mellor produtos secos).

A campaña terá unha duración de dúas semanas e para levala a cabo poñerase a disposición da persoas que queiran colaborar un carro da compra perfectamente identificado nunha serie de establecementos locais, aos que a asociación agradece a súa colaboración. Trátase dos seguintes establecementos: Supermercado Eroski, Hiper Froiz, Supermercado Gadis e Supermercado Lidl.

Para poder desenvolver a iniciativa ao tempo que se respecta as normas establecidas polo Goberno central e cuxo cumprimento garanten os corpos policiais, Protección Civil de Boiro encargarase de recoller nos devanditos locais as doazóns para facer entrega a Cáritas dos alimentos para a súa xestión.

Dende Peñas Boiro AC queren lembrar que teñen en conta a “especial situación que vivimos todos” pero animan a todas as persoas que poidan facelo a participar nesta campaña “minorar as graves penalidades dos nosos veciños e veciñas máis vulnerábeis e dos máis pequenos”.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“A Folla seca”. Antón Luaces

“A Folla seca”. Antón Luaces

Aprendendo da vida (III) --------------------------------- Aquela prostitución existente na Galicia do derradeiro terzo do século XX non é máis ca unha lembranza ingrata. Os bares de alterne daquela época están pechados. Na actualidade, o que foi o seu exercicio ten...

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...