Os bombeiros do Consorcio Provincial Contraincendios e Salvamento da Coruña, integrado pola Deputación da Coruña e a Xunta de Galicia, realizan estes días tarefas de limpeza e desinfección en rúas e espazos públicos dos concellos coruñeses.
Unha dotación pertencente ao parque comarcal de Boiro realizou esta mañá labores en Dodro de desinfección nas inmediacións e zonas de acceso ao centro de saúde, o Concello e os servizos sociais, así como en zonas transitadas coma os accesos a supermercados.
Os traballos continuarán nos vindeiros días con limpezas en lugares especilamente sensibles dos municipios da comarca coma accesos a centros de saúde ou residencias de maiores.
