O PBBI solicita a suspensión da suba no recibo da taxa de saneamento en Ribeira

03 Abril 2020

O Partido Barbanza Independente ( PBBI) solicita ao Concello de Ribeira que acorde, a través da Comisión Municipal de Seguimento da Evolución do Covid-19 ou outro órgano competente, que non se aplique a subida na taxa pola prestación do servizo de saneamento, acordada no pleno do pasado mes de xaneiro, e que lle supoñería a cada abonado un incremento no desembolso por ese concepto de 17,91 euros ao trimestre ou en cada recibo (71,64 euros anuais) sobre o que xa pagaba en 2019. A formación política liderada polo aguiñense Vicente Mariño de Bricio lembra que no seu momento xa votou en contra dese incremento na referida taxa, que saíu adiante co voto favorable dos grupos municipais do Partido Popular (PP) e do Partido Socialista Obreiro Español (PSOE) e as abstencións dos dous edís do Bloque Nacionalista Galego (BNG) e o único integrante de SumaRibeira ( SR) na corporación municipal.

O grupo municipal do PBBI sostén que a actual situación do estado de alarma declarada, que está a ter e vai seguir ocasionando graves consecuencias entre a cidadanía, é un argumento máis que suficiente para que se adopte esa medida para deixar en suspenso esa subida, aplicándose a taxa que xa había o ano pasadoal igual que se acordaron outras modificacións, aprazamentos, devolucións ou reducións noutros impostos, taxas e prezos públicos. Neste caso, Mariño de Bricio pretende que o acordo que se adopte non sexa o dun simple aprazamento, senón a suspensión completa.

Neste sentido, o concelleiro do PBBI manifesta que non cre que o restablecemento da normalidade se vaia a conseguir unha vez conclúa o estado de alarma, senón que apunta a que se realizará de maneira paulatina durante os meses posteriores ao levantamento do real decreto. Por isto último, desde a formación liderada por Vicente Mariño proponse que a suspensión da devandita taxa fágase sen que se marque ou defina unha data concreta a partir da que se empezo a aplicar esa subida, aprazándose dita decisión ata que se faga unha análise exhaustiva da situación.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...