Os datos facilitados polo Ministerio de Sanidade elevan xa a 39.673 persoas contaxiadas das que 2.636 estan en UCIs, hai 2.696 falecidos mentres que estan curados 3.794.
En Galicia a morte dun home de 83 anos de idade que estaba ingresado no Hospital da Costa, no municipio lucense de Burela, eleva a 21 as vítimas mortais con coronavirus e a 1.208 contaxiados.
A Coruña
Diagnosticados 537; Activos 524, mortos 13.
Lugo
Diagnosticados 62, activos,59, mortos 13.
Ourense
Diagnosticados 142, activos 140 , mortos 2.
Pontevedra
Diagnosticados 448, activos 445, mortos 3.
A xornada do luns faleceran dous homes en relación á pandemia de Covid-19, un de 69 anos de idade que estaba ingresado no Complexo Hospitalario Universitario de Ferrol ( Chuf) e outro de 81 anos de idade que estaba no Hospital Lucus Augusti de Lugo. Ambos tamén presentaban patoloxías previas.
No que respeta a fin de semana faleceron 9 persoas en Galicia. Durante a xornada do domingo morreron en Galicia cinco persoas en relación á epidemia de coronavirus, entre elas dúas mulleres de 92 e 77 anos de idade na área de Ferrol, a primeira ingresada no Complexo Hospitalario Universitario de Ferrol ( CHUF) e a segunda no Hospital Juan Cardona. Ambas tamén con patoloxías previas. Tamén faleceron durante a xornada do domingo outras tres persoas: unha muller de 90 anos que estaba hospitalizada no Complexo Hospitalario Universitario de Ourense ( CHUO), un home de 72 anos que se atopaba no Hospital Quironsalud Miguel Domínguez de Pontevedra e unha muller de 84 anos ingresada no Complexo Hospitalario Universitario de Santiago (CHUS).
Pola súa banda, na xornada do sábado 21 de marzo rexistráronse catro mortes relacionadas coa pandemia: unha muller de 68 anos e tres homes de 93, 81 e 74 anos, respectivamente, todos eles ingresados no Chuac e con patoloxías crónicas previas.
