A Casa da Cultura de Boiro vai acoller este venres 6 de marzo, a partir das 21.00 horas, un novo monólogo de Pepo Suevos, o espectáculo Sobre rodas!, destinado a público adulto. A cita, que vén da man do Concello e Ainé Producións, é un sorprendente percorrido polos temas actuais que máis tocan de preto ao autor e, por extensión, ao público que ten diante. En palabras da produtora, será unha oportunidade para ver até que punto un monologuista pode ser nun breve espazo de tempo un humorista salvaxe, un espectacular showman e “mesmo un macarra ao servizo das risas do público”.
Sobre rodas! forma parte do programa teatral impulsado esta tempada polo Concello de Boiro, moi centrado na temática do medio ambiente e nas diferentes respostas que nos achegan as artes escénicas para afrontar a crise climática e divulgar os mellores xeitos de atallala. programa de representacións teatrais, todas elas empregando o humor para empoderar e fortalecer a mensaxe medioambiental, comeza este venres con Sobre Rodas de Ainée Producións.
A selección de obras correspóndese coa programación do primeiro semestre do ano da Axencia Galega das Industrias Culturais (AGADIC).
O programa de representacións teatrais, todas elas empregando o humor para empoderar e fortalecer a mensaxe medioambiental, comeza este venres con Sobre Rodas! de Ainée Producións.
