Sete equipos de distintos institutos de Pontevedra, Redondela e Rianxo participaron no Pazo da Cultura na fase local (Pontevedra- Rianxo -Redondela) do Club de debate. Os equipos foron: IES Félix Muriel de Rianxo, IES Luís Seoane, IES Valle Inclán e dous equipos do IES Sánchez Cantón, Escintileo do Cantón e Estoxo Azul do Lérez, IES Mendiño e IES Illa de San Simón (ambos de Redondela) .
O tema arredor do que debatiron estes mozos e mozas foi “Podemos salvar o planeta”.
Os dous equipos máis puntuados en cada unha destas fases participarán na final que se celebrará en Santiago de Compostela o sábado 16 de maio, onde debaterán sobre “O futuro do galego está en nós”. O equipo con máis puntuación terá como premio unha viaxe multiaventura de fin de semana.
O Club de Debate é unha actividade das concellarías de Normalización Lingüística para desenvolver as destrezas orais da lingua galega fomentar o debate e consolidar foros de discusión sobre temas de actualidade e de interese social.
