A película “La Isla de las mentiras” dirixida por Paula Cons, estrearase en Ribeira o próximo 29 de maio. O film utiliza como base o naufraxio do vapor-correo Santa Isabel acontecido o 2 de xanero do 1921 e do que se van cumprir 100 anos. Neste tráxico suceso morreron 213 persoas e salvaronse 53.
Aínda que arranca en Sálvora durante o naufraxio, o argumento é unha ficción novelada que non narra os feitos reais do acontecido aínda que os usa como referencia.
Precisamente este 1 de marzo fai un ano que se presentou no Museo Municipal de Ribeira o proxecto da grabación da película que se iniciaría tres dias despois baixo o título inicial de “Santa Isabel” si ben posteriormente cambiouselle o nome.
A película desenvolve a historia na Illa de Sálvora, aínda que está gravada en Muros, O Grove, Santiago, Arzúa e Oza dos Rios amais de en Ribeira. Trátase dun thriller escrito pola directora da película Paula Cons. O film conta con Nerea Barros, Dario Grandinetti e Aitor Luna como actriz e actores principais.
A película de 90 minutos de duración foi producida por Agalla Films e será distribuida nas carteleiras por Filmax contando con versión en galego e castelán. Entre outras institucións colaboraron o Concello de Ribeira, Xunta de Galicia, Goberno Vasco, A Deputación da Coruña, AGADIC. Ministerio de Cultura e as Televisións de Galicia, Vasca, RTVE, INCAA de Argentina e O ICo entre outros.
Paula Cons falou para O Barbanza recen rematada a gravación da película salientando que “O interesante do filme son as mulleres e a illa de Sálvora”
