Interceptan cinco quilos de ameixa xaponesa e un coche a tres furtivos en Dodro

23 Marzo 2020

A Policía Local de Rianxo e o servizo de Gardacostas de Galicia interceptaron a tres furtivos que estaban a transportar onte no seu vehículo cinco quilos ameixa xaponesa “de dubidosa procedencia”. A Xunta explicou onte nun comunicado que as tres persoas identificadas estaban “a ofrecer” este produto ás vivendas de Rianxo e unha vez interceptáronos confirmaron que a ameixa fora obtida de forma irregular, carecía dos correspondentes documentos que avalasen a súa legalidade e as tres persoas non eran mariscadores profesionais. Foi a Policía Municipal quen, con axuda dos membros do servizo de Gardacostas, conseguiu deter aos furtivos nas inmediacións de Dodro, xa que fuxiran de Rianxo cando descubriron que foran localizados. Desde a Consellería do Mar informáronse de que os tres furtivos serán imputados pola venda ilegal do marisco, por un delito de desobediencia á autoridade e polo incumprimento de confinamento establecido na declaración do estado de alarma, decretado polo Goberno central. Ademais, ao condutor tamén se lle imputará un delito contra a seguridade viaria por conducir baixo os efectos das drogas, pois nas probas realizadas os resultados foron positivos en varios estupefacientes. Por outra banda, o marisco foi entregado á Confraría de Pescadores de Rianxo para a súa devolución aos bancos marisqueiros locais, mentres que o vehículo quedou depositado nun inmoble desta localidade á espera de ser trasladado ao servizo de Gardacostas. A Policía Autonómica tamén comisou diciocho quilos de marisco no Portiño, onde un grupo de furtivos subtraeunos a pesar de carecer de licenza e do estado de alarma decretado polo Goberno. Polas canles legais A Consellería do Mar lembrou que existe a obrigación de cumprir as normas de confinamento decretadas polo Goberno do Estado a través da declaración do estado de alarma polo coronavirus. Ademais, incide en que toda actividade pesqueira e marisqueira “segue operativo” a pesar da declaración do estado de alarma, polo que os consumidores “poden ter a certeza de que os produtos que adquiren” a través de canles legais, contan con “todas as garantías sanitarias”. A baixada na compra de peixe e marisco foi notable na primeira semana de corentena e o efecto cachoeira vai dos pequenos aos grandes do gremio. As primeiras afectadas, as 63 confrarías de toda Galicia. Non hai escaseza de variedades, pero os establecementos optaron por aprovisionarse dos produtos de maior demanda.

Policia local Rianxo durante a operación. Cedida

Outros artigos

Novas axudas ao sector para a rexeneración dos bancos marisqueiros

O conselleiro do Mar, Alfonso Villares, acompañado pola directora xeral de Desenvolvemento Pesqueiro, Marta Villaverde,  mantivo un novo encontro cos presidentes das federacións das confrarías, o terceiro desde que tomou posesión o responsable autonómico, no que...

+

Publicidade

Revista en papel

Opinión

“Los ministros del Gobierno no se entienden”. Arturo Maneiro

“Los ministros del Gobierno no se entienden”. Arturo Maneiro

En los últimos días, el Gobierno de coalición del PSOE y Sumar está pasando por su peor momento de desacuerdos y discrepancias legislativas que no parece que vayan a tener fin en el corto plazo. Es más, parecer un mal progresista y progresivo.La falta de acuerdos en...

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...