En marcha en Rianxo un servizo para levar comida e medicamentos a persoas vulnerábeis

Debido á situación excepción do estado de alarma decretado polo Goberno central para pór freo ao avance imparábel do COVID-19 e por mor da imposibilidade que teñen moitas persoas en situación de dependencia, de mobilidade reducida e de vulnerabilidade para levar a cabo a habitual adquisición de medicamentos, alimentos e produtos de primeira necesidade, o Concello de Rianxo puxo en marcha un servizo de axuda para estas veciñas e veciños do termo municipal destinado a atender as súas necesidades básicas de adquisición de produtos.

As persoas que por diversos motivos non podan ou non deban saír da casa para desprazarse para obter estes produtos de primeira necesidade, poderán chamar aos teléfonos habilitados:

· De 8 a 14 h: Servizos Sociais: 981 860 061

· De 14 a 22 h: Policía Local: 901 860 065

· As 24 horas: ​​​​​​​ABAS – Asociación Barbancesa de Axuda e Solidariedade: 696 058 821