O conselleiro de Economía, Emprego e Industria, Francisco Conde, participou nos Premios Responsabilidade Social Empresarial de Galicia, 2019, que se entregaron en Santiago. Entre os galardoados está a empresa CONGALSA de A Pobra do Caramiñal que recibiu a mención á conciliación, uns galardóns que teñen o obxectivo de mostrar e reivindicar publicamente o labor daquelas empresas que adoptan principios e prácticas de responsabilidade solidaria na súa xestión e na súa actividade diaria. O palmarés final destes recoñecemento tivo unha importante presenta das empresas innovadoras da nosa terra, entre as que se inclúe a pobrense CONGALSA . Centrada en produtos do mar conxelados e moi envorcada en metodoloxías intelixentes de xestión e produción que exportar a todo o sector alimentario galego (en colaboración con Gradiant e a través do proxecto CONGALSA 4.0).
O Premio á RSE de Galicia na categoría de pequena empresa foi dar a Tecalis, firma consultora e desenvolvedora TIC con sede en Milladoiro (Ames), e o mesmo galardón na modalidade de gran empresa recaeu en Altia Consultores, con sede en Oleiros centrada en servizos de consultora estratéxica e tecnolóxica, principalmente.
Tamén foron distinguidas, na modalidade de mediana empresa, as firmas Ledisson (especializada en sistemas avanzados de automatización industrial, con sede no Porriño) e a compañía de transporte Empresa Monforte SAU.
