Concello e ABE traballan conxuntamente en medidas para a reactivación económica de Boiro

20 Marzo 2020

O Concello de Boiro celebrou esta mañá unha Comisión de Valoración Económica para tratar as medidas que se van levar a cabo, tanto a curto coma a longo prazo, para paliar os efectos ocasionados polo Estado de alarma no comercio local. Na xuntanza participaron o alcalde José Ramón Romero; o concelleiro de Comercio e Industria, Marcos Fajardo; a súa homóloga de Cultura, María Outeiral; o presidente da Asociación Boirense de Empresarios (ABE), Daniel García; e o xerente da entidade, Tomás Estévez.

O primeiro que se acordou foi a creación dunha mesa de traballo formada polo rexedor, o edil de Comercio, e o presidente e xerente da ABE, así como persoal administrativo do propio Concello. Dito organismo servirá para comezar a traballar nas medidas que se poden levar a cabo para axudar á promoción económica do comercio local despois de que se decretase o Estado de alarma.  

Outra dos puntos a abordar foi o relativo ás taxas. A este respecto, primeiramente efectuarase un estudo de tódolos impostos que se tramitan na Administración local para avaliar cales se poden aprazar ou reducir co obxectivo de axudar aos empresarios locais, especialmente aos propietarios daqueles negocios que teñen que permanecer pechados e que non están obtendo ingresos, a paliar os efectos da interrupción da actividade.

Así mesmo, nesta primeira xuntanza realizáronse propostas por parte das dúas entidades para traballar en conxunto, centrándose non só en axudas económicas, senón que tamén engloban flexibilidade en horarios de apertura, colaboración en actividades de dinamización económica ou promoción de iniciativas, entre outros. Unha serie de actuacións que aglutinan ao tecido social, cultural e ao comercio para a promoción económica do municipio boirense.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...