A feira boirense Maio Vintage pecha fileiras contra o COVID-19 co manifesto Haberá primavera

26 Marzo 2020

O Maio Vintage, a feira de artesanía e creatividade de Boiro, segue adiante adoptando novas fórmulas de comunicación e desenvolvemento malia as restricións que está a impoñer o estado de alarma decretado polo Goberno central. Podemos velo no Facebook propio da feira, impulsada pola plataforma Creaturas, que se presenta estes días como un laboratorio de ideas para levar a práctica cando todo se pon en contra do comercio e a artesanía.

Os preparativos online da nova edición da feira, que se celebraría o 2 de maio no caso de que a situación volva á normalidade, veñen acompañados dun manifesto asinado por unha manchea de obradoiros e establecementos locais: o manifesto Haberá primavera por un novo modelo de consumo (Cando todo isto pase).

O texto, asinado dende múltiples frontes, é un tratado do positivismo que, malia non solucionar os problemas que ten e terá o sector por mor da crise pandémica, é unha relevante contribución ao optimismo: “Sairemos desta, estamos seguras. Por iso queremos adicar un ratiño a pensar como sairemos, a imaxinar o lugar que nos gustaría habitar cando todo isto pase. Ese lugar é parecido ao que sempre defendemos dende o noso colectivo e dende a filosofía do Maio Vintage, unha filosofía participativa e implicadora, onde unha comunidade de persoas diversas, autoorganizámonos dende a liberdade e a alegría que nos dá o exercicio da cidadanía activa, a comprometida…”.

Os días pasados a organización da feira comezou no Facebook a súa nova campaña de promoción do comercio e a creatividade local. E fixérono lembrando “os 7 millóns de personiñas que están confinadas na casa facendo moitos deberes polo classroom”. A todas elas adicáronselles recursos para o lecer e para facer máis levadía a reclusión: propostas de estimulación de Maria Magan Lampon, creatura fundacional e xerente de La doce, de Antoxo De Toxo, de Enpunto de Susana Diz e de A gata moscovita.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...