A adaptación galega de O mozo da última fila, fraguada en Rianxo, estréase en Santiago en abril

10 Marzo 2020

A compañía Redrum Teatro, trala súa residencia creativa de case un mes no Auditorio de Rianxo e tralos intensos e pormenorizados ensaios que acompañaron a preparación de O mozo da última fila, vai estrear en Santiago, os días 16 e 17 de abril no Teatro Principal, a revisitación do célebre libreto de Juan Mayorga.

Coa dirección de Alex Sampayo, contará cun elenco integrado por Roberto Leal, Guillermo Carbajo, Rubén Porto, Belén Constenla, Mónica García e Machi Salgado.

Será a primeira adaptación ao galego dunha obra do reputado autor teatral Juan Mayorga, neste caso concreto O mozo da última fila, un cáustico achegamento a un dos impulsos máis comúns do ser humano, a curiosidade pola vida dos demais, e como estes comportamentos compartidos poden chegar a cambiar a vida das persoas.

Logo da súa estrea en Compostela, a representación continuará a súa xira no Pazo da Cultura de Narón o 25 de abril e no Salón Teatro de Lalín, o 15 de maio. Redrum, ademais de dispor da importante colaboración do Concello de Rianxo, conto para este proxecto co apoio da Axencia Galega das Industrias Culturais (AGADIC) a través das liñas de axuda á creación escénica.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...