A Policía Local de Boiro informou hoxe da conclusión da campaña de control de vehículos que deu comezo o pasado 22 de xaneiro no concello. A iniciativa, destinada a garantir a seguridade viaria nas estradas, rematou con 5.590 vehículos supervisados e 220 infraccións tramitadas.
Os controis realizáronse entre o 22 de xaneiro e o 5 de febreiro, e nela participaron unha furgoneta da Dirección Xeral de Tráfico e máis os efectivos da Policía Local de Boiro. O dito vehículo, equipado cun cinemómetro, adicouse a localizar aqueles condutores que excedían as velocidades permitidas en diferentes recantos do termo municipal.
A Policía Local de Boiro centrouse no control das estradas periféricas do municipio, por ser, nas súas palabras, “os puntos máis conflitivos e nos que se infrinxen mais os límites de velocidade” e, polo tanto, hai máis risco de accidentes ou atropelos.
Nas dúas semanas de campaña, controláronse máis de 5500 vehículos dos que se detectaron 2762 infraccións por superar a velocidade máxima permitida da vía. Desas infraccións detectadas, as que se van tramitar por superar os marxes admisíbeis en cada vía establecidos polos axentes son un total de 220.
