O artista rianxeiro F. Farrapos, nome artístico de Fran Otero, vai expoñer novamente na súa terra. Farao a través da segunda Mostra de Arte Moderna, un paso creativo adiante con respecto ás súas anteriores contribucións artísticas, as que puido coñecer de primeira man o público de Rianxo hai exactamente dous anos e no mesmo escenario: a sala de exposicións do Auditorio local. Os tres piares básicos da nova mostra serán o alternativo, o ecléctico e máis o reciclado.
Con todo, o artista adianta que haberá un cuarto ingrediente que cingue temática e formalmente todos os demais: o evolutivo. A exposición, organizada pola área de cultura do Concello de Rianxo, poderá verse entre o 7 de febreiro e o 7 de marzo. O acto de apertura, a inauguración oficial da mostra, celebrarase este venres 7 de febreiro ás 21.00 horas.
