O próximo sábado 15 a UNESCO celebra o Día Internacional da
Lingua Materna. Con este motivo o Concello de Riveira vai organizar a través do seu Servizo Municipal de Normalización Lingüística unha actividade especial consistente nunha función contacontos para bebés a cargo de Raquel Queizás.
A acción, que levará por título “Toin Toin”, terá lugar o sábado 15 de
febreiro ás 12 horas no Centro Cultural Lustres Rivas. “Toin Toin” é
un espectáculo de contos con monicreques de mesa, acompañado
de instrumentos musicais sinxelos, para gozo dos máis pequenos
da casa.
Para asistir co seu bebé é preciso inscribirse chamando ao teléfono
981835650 de 9.00 a 14.00 h, ou enviando un correo electrónico a
normalizacion@riveira.com . A actividade está dirixida para bebés de
0 a 3 anos e as súas familias, por suposto os irmanciños maiores
poderán asistir e de seguro quedarán tamén encantados da
experiencia.
O PP de Ribeira pedirá en pleno a posta a punto urxente do paseo do río Artes-Sanchanás
O PP de Ribeira, a través do concelleiro Manuel Vicente Reiriz Bretal, presentou un rogo para ser tratado no pleno da Corporación relativo ao estado no que se atopa o paseo fluvial do río Artes-Sanchanás, na parroquia de Artes. Os populares explican na súa proposta...