Arrancan as obras para arranxar o Polideportivo de Santa Baia tralo temporal do 16 de xaneiro

04 Febreiro 2020

O Concello de Boiro vén de informar do inicio das obras destinadas a arranxar o Polideportivo de Santa Baia, que, como lembraremos, foi unha das infraestruturas municipais afectadas polo temporal do pasado 16 de xaneiro. Os traballos de reparación comezaron hoxe mesmo, e son, en palabras do Concello, uns labores “de emerxencia”. O custe das tarefas terá un importe de 18.500 euros e, segundo engade o Goberno local, está previsto que se executen “na maior brevidade”, co obxectivo de que o polideportivo volva estar en funcionamento o antes posíbel.

O punto crítico das actuacións atópase na cuberta (que se viu seriamente afectada polos refachos de vento de até 135 quilómetros por hora) e en parte das fachadas. O Concello explica que as pezas da cuberta, de 16 metros de lonxitude, “son moi específicas e teñen un prazo medio de entrega de preto de dous meses”. Porén, tralas xestións realizadas por parte do departamento de Obras e Urbanismo, o Executivo boirense foi quen de localizar unha empresa que as deu subministrado nun prazo de 5 días.

Prazos máis concretos

O Concello estima que a cuberta e as frontes da fachada estean reparadas (e o polideportivo operativo) nunhas 72 horas. Estes traballos darán paso á reposición dos elementos auxiliares, como as canles de recollida da choiva ou os elementos de renovación do aire. A longo desta actuación, explica o equipo do alcalde José Ramón Romero, “os servizos técnicos traballaron para dar resposta rapidamente aos problemas e fíxose a xestión nun prazo de 12 días para ter pechado o pavillón durante un mínimo prazo de tempo”.

A instalación da nova cuberta estase a realizar con ancoraxes de alta capacidade de tracción que, en palabras do Goberno local, “duplicarán a capacidade de esforzo respecto ás ancoraxes estándar, para reducir a incidencia de fenómenos meteorolóxicos adversos”.

Outros artigos

Publicidade

Revista en papel

Opinión

“Legislatura serena y estable”. José Castro López

“Legislatura serena y estable”. José Castro López

El inicio de la duodécima legislatura en el Parlamento gallego reconcilia con la política,al menos por unos días. Sin entrar en los detalles de la liturgia protocolaria del acto, haydos imágenes relevantes que captaron las cámaras y publicaron los medios impresos...

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...