A nova edición do Trail de San Isidro (Pobra) recupera camiños en risco de desaparecer

07 Febreiro 2020

Arousa Neo, a Comunidade de Montes de Sanisidro e o Concello da Pobra do Caramiñal presentaron hoxe unha das grandes probas deportivas da tempada, tanto a nivel comarcal como galego. Trátase do Trail de San Isidro (16 de febreiro), segundo lembraron na presentación os responsábeis das ditas entidades “o máis veterano dos circuítos Revolutrion Trail Series”. O acontecemento deportivo, que chega este ano á súa sexta edición, vén con novidades importantes. De feito, os organizadores déronlle unha volta ao itinerario para que as e os participantes poidan percorrer novos camiños e descubrir novas paraxes (e paisaxes) naturais: camiños que “estaban esquecidos ou a piques de desaparecer, pero que este mes de febreiro volverán cobrar vida”, segundo informaron.

O Trail de San Isidro, un dos percorridos máis duros do circuíto de Trail Series, inclúe este ano cunha suba ao monte Salgueiro, que se inicia xusto despois de pasar polo río Lérez (un ascenso ao petón do Vento, o punto máis alto, dende o punto máis baixo do percorrido).

Será o roteiro máis curto dos cinco previstos nas Revolutrion, pero, con todo, o que máis desnivel positivo pon en xogo.

Características técnicas

• Distancia: 13,4 km.

• Desnivel+: 795 m+

• Hora saída: 11:00 h.

• Tempo Máximo: 2:15 h.

• Tempo de corte: 1:25 h no km. 8,5

• Avituallamento Intermedio: km. 8,5

• Meta volante: km. 1,5

• Lugar de saída: Praza de San Isidro – A Pobra do Caramiñal

• Prezo: 10 €

• Inscricións: 2/1/2020 – 12/2/2020

Inscricións

As inscricións estarán abertas o mércores día 20 a través da plataforma de inscrición habilitada na web www.trailseries.run e na que tamén se pode atopar o regulamento e toda a información puntual sobre esta actividade. Como dixemos, organiza Arousa Neo e conta coa colaboración da Comunidade de Montes de Sanisidro e o Concello da Pobra do Caramiñal.

Outros artigos

A Pobra do Caramiñal rende homenaxe a Manuel Hermo Vidal

A homenaxe a Manuel Hermo Vidal tivo lugar o 16 de abril no salón de plenos do Concello da Pobra do Caramiñal. Este acto institucional foi organizado para recoñecer a figura de Hermo Vidal, quen defendeu os valores democráticos nun momento crítico da historia. A...

+

Publicidade

Revista en papel

Opinión

“A nosa e a vosa ruada”. Luís Celeiro

“A nosa e a vosa ruada”. Luís Celeiro

Estaba sentada nunha parede baixiña, diante da porta da casa, no mesmo barrio que vivíasúa tía, na mesma rúa onde vivira súa nai, seu pai e onde viven agora moitos recordos,lembranzas da nenez, da mocidade, das historias que leu e das que lle contaron. Estaba,igual...