O profesor da Aula Galega de Saxofón, Rodrigo Vila, e o ex-alumno Martín Castro protagonizaron o pasado venres 24 un concerto a dúo no Conservatorio Municipal de Ribeira ‘Enrique Paisal’ no marco dunha iniciativa que reúne unha vez ao mes no municipio a alumnado procedente de centros formativos de toda a xeografía galega para perfeccionarse no uso deste instrumento de vento.
Rodrigo Vila recalou en Ribeira despois dunha intensa semana de masterclass en Boston (USA), e Martín Castro, ex-alumno do Conservatorio e da Aula Galega de Saxofón, de Viena.
Entre os asistentes figurou a concelleira de Educación, Juana Brión.
