Rianxo enche as redes de imaxes da Cabalgata de Reis

08 Xaneiro 2020

Para os residentes e visitantes de Rianxo que estiveran o 5 decembro na vila mariñeira e non desen acadado a mellor posición privilexiada para contemplar axeitadamente a Cabalgata dos Reis Magos, ou para aquelas e aqueles que queiran recoñecerse nas fotos e recoñecer aos demais, dicirlles que o Concello vén de encher as redes sociais con imaxes da visita real ao porto (cómpre lembrar que as súas Maxestades de Oriente chegaron por mar á vila) e ás rúas da localidade, polas que discorreron coas súas cinco carrozas e ostentando un pletórico conxunto de adobíos mariñeiros e unha cobertura musical de primeira categoría (a charanga Vai de Roda e a banda de gaitas Buxaina).

Podemos ver o álbum de imaxes en diferentes entregas, tal e como as artellou no Facebook a área de Cultura do Concello: a colección de fotografías da praza de Castelao preparándose para a chegada e remate da cabalgata (medio cento de imaxes), a chegada dos Reis ao peirao de Rianxo (case 150 fotografías) e a escolma de imaxes da ruada real das súas Maxestades (a cifra nada desprezábel de 746 fotos). Detrás desta importante contribución fotográfica estivo o estudo creativo DifusionProSport.

Outros artigos

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...