O BNG da Pobra demanda a limpeza e adecuación nas zonas rurais

29 Xaneiro 2020

O grupo municipal do BNG pobrense levará a pleno unha moción relativa á demanda de limpeza de regos e cunetas das vías e estradas rurais. Segundo expoñen, as zonas rurais do municipio padecen desde hai tempo “un abandono por parte dos diferentes gobernos que houbo neste concello”, sostendo que o actual executivo local continúa nesa mesma liña “sen prestarlle atención aos veciños e veciñas que viven nelas e sen atender as súas demandas.”

Neste senso, a formación nacionalista indica que no mes de setembro se presentou unha moción respecto ao estado “de falta de limpeza en varias zonas urbanas e rurais”, solicitándolle ao equipo de goberno unha limpeza xeneralizada, tanto no casco urbano coma no rural. Así, sinalan que non se efectuou tal medida a pesar da súa aprobación.

Agora, en pleno inverno, manifestan que a falta de limpeza en diversos núcleos rurais -Lesón, Ouxo, Vilariño, Banda, Baltar, Poza de Moraña e Cruceiro Novo, entre outros- provoca unha serie de prexuízos para a veciñanza coma, por exemplo, zonas de tránsito asolagadas, estradas con fendas, marquesiñas con silveiras, contedores sen fixación ou muros derrubados. Así, consideran que “mostra evidente do desleixo co que se trata o rural é esta reiterativa moción, que ano tras ano traemos ao pleno.”

Por todo isto, o BNG propón uns acordos nos que figura que o goberno municipal limpará e adecuará as cunetas, regos, rexistros e demais elementos do sistema de recollida de pluviais, nomeadamente nas zonas rurais; ademais do establecemento dun programa de saneamento e limpeza de cunetas e regos que evite o asolagamento de rúas, estradas, camiños e fincas.

Lugar de Ouxo
Lugar de Ouxo

Outros artigos

Atlántica trae á Pobra dous espectáculos de narración oral

O Festival Atlántica volve levar novas historias a diferentes puntos da xeografía galega e parte da portuguesa no verán deste 2024. Narración oral e paraxes fundiranse unha vez máis con numerosos espectáculos de narración oral. A Pobra do Caramiñal é unha das...

+

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...