Detida unha veciña de Rianxo pola súa presunta participación nun total de 31 delitos de roubo con forza

Cedida

A Garda Civil do Posto de Milladoiro procedeu á detención dun veciño de Teo e dunha veciña de Rianxo pola súa presunta participación en 30 delitos de roubo con forza en interior de vehículo e un roubo con forza en interior de vivenda. Os feitos tiveron lugar nas localidades de Ames, Teo, Padrón e Pontecesures.

A investigación iniciouse no mes de novembro do pasado ano cando a Garda Civil tivo coñecemento de que nos núcleos poboacionais de Bertamiráns, Milladoiro, Cacheiras, Montouto e as urbanizacións de Campos de Maribel, Os Tilos e Aldea Noa, se produciran numerosos roubos en interior de vehículos, o cal xerou certa alarma social.

Tras as xestións realizadas e o rexistro domiciliario levado a cabo na vivenda dun dos presuntos autores dos feitos, a Garda Civil puido recuperar numerosos efectos e xoias relacionadas cos roubos investigados.

A operación continúa aberta e non se descarta o esclarecemento dun maior número de feitos delictivos.