ACUAES entrega á Xunta a titularidade das infraestruturas do saneamento de Ribeira

30 Xaneiro 2020
Cedida

A sociedade mercantil estatal Aguas de las Cuencas de España (ACUAES), do Ministerio para a Transición Ecolóxica e o Reto Demográfico, entregou hoxe á entidade pública empresarial Augas de Galicia, da Xunta, as obras do saneamento de Ribeira para a súa operación e mantemento, tras finalizar a súa fase de posta en marcha.

A directora xeral de ACUAES, Rosa Cobo, e a directora de Augas de Galicia, Teresa Gutiérrez, procederon á sinatura da acta de entrega e transmisión da titularidade das infraestruturas nun acto que se celebrou na Estación Depuradora de Augas Residuais (EDAR) de Ribeira, ao que tamén asistiu o director técnico de ACUAES, Jerónimo Moreno. Tras a rúbrica, realizaron un percorrido polas instalacións para comprobar o seu funcionamento.

En virtude do acordo, a partir das 00.00 horas do 31 de xaneiro, Augas de Galicia sucederá a ACUAES en relación dos contratos vixentes, facéndose responsable a entidade pública, a partir deste momento, das operacións de conservación, mantemento e explotación. Todo isto á espera do que se decida no pleno extraordinario e urxente que se celebrará esta tarde na Casa Consistorial ribeirense.

Segundo apuntan, as obras do saneamento de Ribeira precisaron unha inversión de 21’6 millóns de euros, beneficiando a unha poboación de 32.500 habitantes. A actuación incluíu a construción dunha depuradora, un emisario submarino de 1.077 metros de lonxitude, sete tanques de tormentas e 13’6 quilómetros de conducións. A EDAR ten unha capacidade para tratar un caudal medio de 91 litros por segundo, é dicir, máis de 7.800 m³/día, aínda que poderá asumir puntas de 344 litros por segundo, equivalente a un caudal de 29.721 m³/día.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...