A Deputación da Coruña organiza, a través do programa PEL-Concellos dixitais, unha xornada formativa na plataforma SUBTEL para a solicitude e tramitación das subvencións da institución provincial, sumándose o municipio rianxeiro a esta actividade.
Cunha duración de 90 minutos, a segunda quenda desenvolverase o 2 de xaneiro, ás 10.30 horas, na aula de informática do Auditorio de Rianxo.
Esta acción está dirixida a entidades asociativas, colectivos ou particulares que estean interesados, podendo formalizar a súa inscrición mediante o enderezo electrónico informatica@concelloderianxo.gal.
