Os maiores da comarca participaron na clausura do programa formativo da USC nos concellos

31 Decembro 2019

O venres da semana pasada celebrouse no Paraninfo da Universidade de Santiago a sesión de clausura do programa Camiños de Coñecemento e Experiencia, a iniciativa da USC para saír de si mesma e achegar a súa docencia a concellos da súa contorna, poñendo o foco nas persoas de idade. No acto participaron medio millar de persoas do total de 17 municipios que tiveron parte activa este ano no programa, incluídos os de Ribeira, Rianxo e A Pobra do Caramiñal. Tamén acudiron alumnas e alumnos de Noia, Muros, Serra de Outes, Ordes, O Pino, Arzúa, Vedra, Teo, pola provincia da Coruña; Lalín e A Estrada, por Pontevedra; e Mondoñedo, Monterroso, Ribadeo e Viveiro, pola provincia de Lugo.

Nos actos de clausura celebrados respectivamente en Santiago e Lugo, os representantes do alumnado Aurora Varela e Gilberto Ares coincidiron en reivindicar “a continuidade desta actividade formativa” e mesmo “a inclusión de novos concellos ademais de resaltar a súa relevancia para a democratización do coñecemento entre a poboación máis maior”.

O acto celebrado no Paraninfo da Universidade en Santiago foi o máis concorrido e, presidido pola vicerreitora de Titulacións, Victoria Otero Espinar, contou coa asistencia de representantes dos distintos municipios e a conferencia da profesora da Facultade de Farmacia Carmen Álvarez Lorenzo. En Lugo, esta sesión de clausura celebrouse na Casa do Saber coa conferencia da profesora Carolina Casal Chico e a asistencia de representes de Mondoñedo e Monterroso.

Como lembraremos, o programa Camiños de Coñecemento e Experiencia levou este ano formación sobre diversos ámbitos da cultura e da investigación (economía circular, cinema, matemáticas, desenvolvemento rural) aos nosos concellos.

Ademais, recentemente foi formalizada a adhesión firme de Ribeira como sede permanente do programa de cuarto ciclo da Universidade de Santiago.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...