Boiro inclúe na súa programación de Nadal un mercado propio destas datas conformado por nove postos de artesanía, sete dos cales contan co distintivo Artesanía de Galicia, ofrecendo produtos diferentes coma, por exemplo, bonecos de trapo, complementos de festa, decoración, cerámica, ilustración, bisutería ou roupa. Ademais, haberá un dous postos destinados á gastronomía: un con doces típicos desta época e outro de cervexas artesáns.
Baixo o nome Factoría das Raíñas, os postos que van participar nesta característica feira son Wooding, Diane Onlooker, Jardinería Espiñeira, Tejeluz, Cerámica Raposiñas, Deica Creacións, Pase lo que pase, Mucha chicha, Recuncho de Cucadas e Cervezas Meiga. Así mesmo, haberá dous postos solidarios da man de Cruz Vermella de Boiro, coa campaña Agasalla un xoguete, e Callejeros Barbanza, que ofrecerá doces de Nadal.
Situado no local multiusos do mercado municipal durante o 28 e 29 de decembro, en horario de 11.00 a 14.30 horas e de 17.00 a 22.00 horas, a coordinación deste espazo corre a cargo da artesá Paula Tubío, de A gata moscovita.