O IES A Cachada de Boiro incorpórase á rede galega de Espazos Maker

02 Decembro 2019

O programa galego Espazos Maker, materializado o ano pasado para fomentar as competencias STEM (Ciencia, Tecnoloxía, Enxeñaría e Matemáticas) entre o alumnado, estende este novo curso a dez novos centros, que se engaden aos cen adheridos por estas mesmas da. En total, xa hai 20 centros docentes da nosa terra servindo de laboratorios de experimentación onde a tecnoloxía non só pode crearse, senón que tamén se comparte. Detrás deste programa atópase a Consellería de Educación. Entre as unidades adheridas con este curso atópase o IES A Cachada en Boiro.

Todos os centros reciben unha dotación económica e material tecnolóxico específico para levar a cabo investigacións, realizar experimentos ou desenvolver prototipados.

Estas son as unidades que estrean con este curso os Espazos Maker: IES Agra de Raíces (Cee), IES Plurilingüe Elviña (A Coruña), CPI Plurilingüe Cabo da Area (Laxe), IES Plurilingüe Rosalía de Castro (Santiago), IES Eduardo Pondal de Ponteceso, IES Plurilingüe A Cachada (Boiro), IES Rego de Trabe (Culleredo), IES Monte Castelo (Burela), IES Universidade Laboral (Ourense) e IES do Castro (Vigo).

Polo que respecto aos centros integrados no curso anterior, son os que citamos de seguido: IES Sofía Casanova (Ferrol), CPI Plurilingüe Cernadas de Castro (Lousame), IES Arcebispo Xelmírez II (Santiago de Compostela), IES Monte das Moas (A Coruña), IES Isaac Díaz Pardo (Sada), IES A Pontepedriña (Santiago de Compostela), IES de Porto do Son (Porto do Son); IES A Xunqueira II (Pontevedra), IES República Oriental do Uruguai (Vigo) e IES Primeiro de Marzo (Baiona).

Cada un destes centros recibe unha achega de 2.000 euros por parte da Consellería para poñer en marcha o seu Espazo Maker, así como unha dotación de material específico que inclúe un equipo de procesado audiovisual (con estación de procesado, pantalla grande e dúas tabletas), equipamento audiovisual (cámara dixital de foto e vídeo con obxectivos intercambiábeis e trípode, trípode de alta estabilidade, gravador de audio, cascos auriculares, sistema de gravación completo, equipo multifunción color tamaño A3 e escáner 3D), e mobiliario metálico (composto por carro para desprazar pequeno equipamento e banco de traballo ou superficie fixa de traballo para maquinaria).
A dotación complétase con pequena maquinaria e ferramenta como trade eléctrico de gran potencia, trade de batería, mini trade de bricolaxe, lixadora delta e set completo de lixas de diferente grao e para materiais distintos, caladora con set completo de follas de corte, sistemas de aspiración de seco e húmido semiprofesional, cortadora-fresadora CNC, conxunto de ferramenta manual, soldador de estaño, conxunto de coitelos de precisión pistolas de pegamento termofusible e de aire e máquina de coser.

Outros artigos

Publicidade

Revista en papel

Opinión

“Legislatura serena y estable”. José Castro López

“Legislatura serena y estable”. José Castro López

El inicio de la duodécima legislatura en el Parlamento gallego reconcilia con la política,al menos por unos días. Sin entrar en los detalles de la liturgia protocolaria del acto, haydos imágenes relevantes que captaron las cámaras y publicaron los medios impresos...

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...