Arousa Norte Gastronómica remata este domingo cun gran showcooking aberto en La Galiciana

13 Decembro 2019

Arousa Norte Gastronómica, a experiencia integral de promoción turística dos nosos concellos que se está a levar a cabo estes días no mercado de La Galiciana de Santiago, vai chegar ao seu broche de ouro este domingo 15 ás 19.30 horas. A clausura da iniciativa, impulsada pola Mancomunidade de Municipios de Arousa Norte (Ribeira, A Pobra do Caramiñal, Boiro e Rianxo) e financiada pola Deputación da Coruña, será unha actividade aberta ao público en xeral, que poderán desfrutar dunha demostración gastronómica (un showcooking) cos nosos produtos a cargo dos seguintes cociñeiros e cociñeiras de Arousa Norte: Luis Arijón (Nojira Restaurante & Bar, Pobra do Caramiñal), Luisma Tobar (Moanin, Boiro), Alberto Carou (O Curral do Marqués, Rianxo) e Lara del Río (Balieiros Restaurante, Ribeira).

Este equipo de profesionais encargarase de elaborar diferentes receitas con produtos representativos da nosa terra e do no mar, e está previsto que ao remate da súa elaboración se celebre unha degustación entre todas as persoas asistentes.

Ademais, a actividade completarase coa actuación musical do grupo The Lákazans co fin de amosar tamén o potencial cultural e artístico co que conta a comarca do Barbanza.

Será o broche de ouro para esta primeira edición de Arousa Norte Gastronómica, cuxo obxectivo principal foi “aproveitar a riqueza gastronómica coa que conta o territorio para promover o xeodestino dos catro concellos”.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Hacia la España federal”. Xosé Perozo

“Hacia la España federal”. Xosé Perozo

Si se cumplen las predicciones demoscópicas, el próximo domingo EH Bildu ganará las elecciones en el País Vasco, superando por primera vez al PNV en escaños y en votos. El fenómeno de crecimiento abertzale está rasgando las vestiduras de muchos politólogos y...