Ribeira conmemora o Día Internacional da Eliminación da Violencia contra a Muller con media ducia de actividades

18 Novembro 2019

Con motivo do Día Internacional da Eliminación da Violencia contra a Muller, o 25 de novembro, o Concello de Ribeira organiza unha variada programación que engloba media ducia de actividades destinadas a involucrar neste cometido tanto á comunidade escolar coma á poboación en xeral.

Así, o sábado 23 terá lugar no pavillón da Fieiteira un curso de autodefensa para mulleres impartido por especialistas da Federación Galega de Loita pertencentes ás Forzas e Corpos de Seguridade do Estado. Esta acción desenvolverase en horario de 10.00 a 14.00 horas e de 16.00 a 20.00 horas.

O propio luns 25, no espazo de usos múltiples municipal situado fronte ao mercado de Ribeira haberá, ás 11.00 horas, a presentación dun mural elaborado polo colectivo xuvenil Morari que o Concello situará na praza Heroínas de Sálvora; ás 11.15 horas, presentación dos murais realizados polos centros educativos de 3° e 4° de ESO no marco do Primeiro Concurso de Murais contra a Violencia de Xénero, entregándose un trofeo ao mural gañador do certame; e, ás 11.30 horas, concerto de Cris Román contra as desigualdades de xénero.

Ademais, entre o 25 e o 30 de novembro exporanse os referidos murais na Casa do Concello.

Por outra banda, o Auditorio municipal será escenario o 27 de novembro, ás 12.00 horas, da representación da obra de teatro Golpes, da compañía Aantena, dirixida por Xosé Lois e coa interpretación de Estíbaliz Veiga. A función está destinada a alumnado de 1° de Bacharelato.

Finalmente, desde o 25 ao 30 de novembro repartiranse libros sobre igualdade protagonizados polos Bolechas.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...