Rematou a montaxe de “A Illa das mentiras” baseada no naufraxio do vapor- correo Santa Isabel

Finalmente rematou hai uns días a montaxe da “Illa das mentiras” título definitivo da película baseada no naufraxio do vapor-correo Santa Isabel. O filme cunha duración de 90 minutos estrenarase no mes de abril. O buque con destino a Vilagarcía a onde ía recoller emigrantes para Montevideo e Bos Aires afundiuse na madrugada do dous de xaneiro de 1921 nos baixos da illa de Sálvora

A súa directora Paula Cons viu nese tráxico suceso unha historia, sobre o apoio recibido pola poboación e os medios locais e, sobre todo, sobre a inspiración recibida polas “heroínas de Sálvora”, as mulleres da illa que se botaron ao mar para axudar no rescate dos náufragos (esa mesma noite os homes estaban en terra firme celebrando o Nadal). Trátase de María, Josefa e Cipriana, interpretadas no filme por Nerea Barros, Victoria Teijeiro e Ana Oca. As verdadeiras protagonistas da historia. O libro toma como referencia para o guión escrito pola propia Paula Cons a obra “Sálvora, memoria dun naufraxio. A traxedia do Santa Isabel” do historiador ribeirense Xosé María Fernández Pazos, quen recuperou a historia do naufraxio na década dos noventa.

Tarxeta do vapor-correo Santa Isabel