Os resultados electorais deste 10 de novembro mudan significativamente o panorama político estatal respecto dos comicios celebrados o pasado 28 de abril, pero sen que ningunha formación acade a maioría absoluta estipulada en 176. Así, dos 350 escanos do Congreso, 120 correspóndenlle ao PSOE; 88 ao PP; 52 a Vox; 35 a Unidas Podemos; 13 a ERC-Sobiranistes; 10 a Ciudadanos; 8 a JxCat-Junts; 7 a EAJ-PNV; 5 a EH Bildu; 3 a Más País-EQUO; 2 a CUP-PR; 2 a CCa-PNC-NC; 2 a NA+; 1 a BNG; 1 a PRC; e 1 a Teruel Existe. En total, 24.365.851 votos contabilizados (69’87%), dos cales 249.499 foron nulos e 216.515 en branco. As abstencións situáronse en 10.506.203 (30’13%).
No que respecta aos municipios de Arousa Norte, constátase o incremento de Vox, así como a caída de Ciudadanos. Por outra banda, o BNG recupera máis dun cento de votos en tódolos concellos respecto a abril, exceptuando A Pobra, onde a cifra non chega á trintena. En canto a Podemos-EU, baixa o número de papeletas, especialmente en Ribeira, Boiro e Rianxo. Ademais, o PP convértese na forza máis votada en Ribeira e Boiro, mentres que o PSOE gaña na Pobra do Caramiñal e Rianxo.
Ribeira
O total de votos contabilizados foron 13.008 (59’88%), dos cales 188 foron nulos e 126 en branco. Por outra banda, as abstencións situáronse en 8.717 (40’12%). O PP obtivo 4.241 papeletas; PSOE 3.074; Vox 1.747; Podemos-EU 1.466; BNG 1.072; Ciudadanos 665; Más País-EQUO 259; PACMA 103; PCOE 24; Recortes Cero-GV 17; PCTG 15 e PUM+J 11.
A Pobra do Caramiñal
Os votos contabilizados foron 5.329 (67,18%), dos cales 47 foron nulos e 43 en branco. Así, as abstencións situáronse en 2.604 (32’82%). Os socialistas acadaron 1.552 papeletas; PP 1.421; Podemos-EU 985; BNG 510; Vox 410; Ciudadanos 212; Más País-EQUO 95; PACMA 21; PCOE 18; PCTG 8; e Recortes Cero-GV 7.
Boiro
Os votos contabilizados foron 9.988 (64,43%), dos cales 142 foron nulos e 78 en branco. Ademais, as abstencións situáronse en 5.513 (35’57%). Os populares conseguiron 2.919 votos; PSOE 2.746; Podemos-EU 1.298; BNG 990; Vox 977; Ciudadanos 492; Más País-EQUO 184; PACMA 93; PCOE 27; Recortes Cero-GV 21; PCTG 13; e PUM+J 8.
Rianxo
Os votos contabilizados foron 6.304 (66’82%), dos cales 76 foron nulos e 48 en branco; mentres que houbo 3.130 abstencións (33’18%). O PSOE obtivo 1.783 papeletas; PP 1.666; BNG 1.006; Podemos-EU 823; Vox 514; Ciudadanos 229; Más País-EQUO 73; PACMA 46; PCOE 20; PCTG 8; PUM+J 7 e Recortes Cero-GV 5.
