O PBBI propón a reforma da ribeirense praza dos Estudantes

14 Novembro 2019
Actual praza dos Estudantes. Cedida por PBBI

O grupo municipal do PBBI levará a pleno unha moción relativa á praza dos Estudantes situada nas inmediacións de Coroso. O partido manifesta que tras unha visita ao citado emprazamento, “verifícase o deficiente estado dos diferentes elementos que a compoñen”, aducindo ao paso do tempo e á meteoroloxía. Deste xeito, considera necesaria a súa reforma, co obxectivo de “dotala dunha mellora urbanística e funcional.”

A formación liderada por Vicente Mariño de Bricio expón que a praza está constituída por pérgola de formigón armado, con manchas de humidade e pintadas; chanzos con acabado en solado de terrazo, con “falta de pezas de alicatado” e “mal estado do solado”; xardineiras e mobiliario urbano.

Por todo isto, o PBBI solicita instar ao Concello de Ribeira a executar a obra que “se centra principalmente na reforma” da praza dos Estudantes, “comezando pola súa demolición, intentando rescatar a arboleda en bo estado e saneando e reparando parte das xardineiras existentes.” Neste senso, propoñen proceder en dúas fases. A primeira corresponderíase coa demolición da pérgola de formigón armado; deconstrución dos chanzos; demolición do pavimento de solado de terrazo existente na totalidade do lugar; retirada do mobiliario urbano existente, con posterior aproveitamento “en caso de atoparse en bo estado”; e demolición de parte das xardineiras existentes e renovación doutras, incluíndo o desbroce e limpeza das mesmas. Por outra banda, a segunda fase comprendería o subministro e colocación de pavimento de pedra natural previa preparación do soporte; pérgola de madeira aserrada; recolocación da arboleda existente nas xardineiras e plantación de diferentes especies de plantas e céspede; e colocación de novo mobiliario urbano (luminarias LED, bancos de madeiras, etcétera).

Así mesmo, o grupo municipal indica que os elementos de saneamento de augas pluviais existentes se manterán tras a reforma, ademais das diferentes arquetas.

Proposta de reforma. Cedida por PBBI

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...