A feira de turismo INTUR celébrase en Valladolid do 21 ao 24 de novembro, e Arousa Norte acudirá cun stand propio e persoal especializado. Así, o obxecto da asistencia a esta feira radica en amosar o patrimonio da comarca do Barbanza aproveitando o mercado de contratación especializado que estará presente.
Trátase dun mercado con venta directa no que a Mancomunidade expoñerá as propostas e produtos turísticos vinculados ao turismo familiar, arqueolóxico, deportivo, en liñas xerais, produtos vinculados á tradición e á historia do destino.
Unha mostra dos compradores nacionais e internacionais que se darán cita, entre os que se atopan algúns dos touroperadores cos que a Mancomunidade programou encontros, son ACROSS SPAIN, DMC & LEISURE TRAVEL; AIRENATOUR; ALGESTUR; ESPAÑAVISION; CHARLOTTE TRAVEL LIMITED (China); DEMLINK ATLAS» LLC (Rusia); FAB ADVENTURES AS (Noruega); HOPE TRAVEL (Indonesia) e JLT TRAVEL & TOURS (Filipinas), entre outros.
