O Concello da Pobra e ABAS convocan o segundo concurso de relatos curtos sobre mulleres

18 Outubro 2019

20191018 As mulleres seguen a tomar a palabra, e nunca mellor dito. A Asociación Barbantesa de Axuda e Solidariedade (ABAS) e mailo Concello da Pobra veñen de convocar a segunda edición do Concurso de Relatos Curtos Historias de Mulleres. O certame, aberto para escritoras e escritores a partir dos 12 anos de idade, estará aberto até o 10 novembro. Será un concurso cunha óptica feminina en todas as súas vertentes: trátase de alentar ás novas autoras (e tamén aos novos autores) para que falen de mulleres e denuncien, a través da palabra escrita, a longa listaxe de cousas que cómpre superar para acadar a igualdade, as liberdades e a erradicación definitiva da violencia de xénero.

O certame establece tres categorías: a categoría adolescente (de 12 a 16 anos), a categoría xuvenil (de 16 a 30 anos) e a categoría adulta (máis de 30 anos). Fíxanse ademais unha serie de requirimentos básicos, como o feito de que as contribucións literarias veñan escritas en galego ou que sexan orixinais e inéditas. Ademais, a extensión máxima de cada relato deberá ser de 1.000 palabras.

A iniciativa vén da man e ABAS Barbanza, o Concello da Pobra e a Concellería de Igualdade, e conta coa colaboración da Deputación da Coruña e da Fundación Barrié.

No que se refire as temáticas a tratar, os relatos deberán afrontar a cuestión da violencia en tódalas súas expresións, exercida sobre as mulleres; a igualdade entre mulleres e homes; as súas liberdades e diversidades sexuais; e todo aquilo relacionado coa temática.

As bases e as contías dos premios nas súas diferentes categorías poden consultarse na páxina web do Concello da Pobra.

Outros artigos

A V Bandeira de Bateis Concello da Pobra disputarase no 31 de marzo

Este 31 e marzo disputarase finalmente a quinta edición da Bandeira de Bateis Concello da Pobra, feminina e masculina. Trátase dunha proba organizada polo Club Remo Pobra (Club Remo Puebla) co patrocinio da Concellaría dos Deportes, ademais da colaboración da...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...