20191021 O Concello de Ribeira deu a coñecer a adxudicación provisional dunha nova actuación consistente na reposición do pavimento asfáltico na rúa do Canal e no camiño entre Ameixida e Os Paramos, ambas vías situadas na parroquia de Castiñeiras. Segundo engade o Goberno local, a empresa que tivo unha “mellor clasificación no proceso de contratación” foi Movimientos de Áridos y Construcciones de Arosa S.L. Presentáronse un total de quince ofertas.
A execución implicará un investimento de 36.320 euros, financiados polo POS da Deputación da Coruña. O prazo de execución é dous meses. O Concello lembra que os dous viarios presentan “un firme en aglomerado asfáltico bastante deteriorado en certos tramos”, razón pola cal se persegue a súa mellora a través dunha nova capa de aglomerado asfáltico en quente de 6 centímetros de espesor, previa limpeza das súas marxes.