Somos iguais, de Raquel Queizás, este mércores para a rapazada de Ribeira

18 Setembro 2019

20190918 A igualdade é un tema do que non se pode deixar de falar, polo menos até que se consiga de facto, e vai ligada a outra cuestión, a loita contra a violencia de xénero, que debe estar sempre presente até que se erradique e se faga desaparecer da nosa sociedade. Tendo en conta isto, a actividade cultural que prepara hoxe o Centro Cultural Lustres Rivas de Ribeira vén máis a conto ca nunca. Trátase do espectáculo Somos iguais (Contos pola igualdade), de Raquel Queizás, para nenas e nenos de 3 a 12 anos coas súas familias. A cita é ás 18.00 horas e a entrada é libre e de balde. A actividade vén da man do Concello ao abeiro do programa Ler Conta Moito da Xunta.

A obra Somos iguais lévanos a un intre da vida de Queliña, unha rapaza que quere ser aviadora e á que lle gusta vivir aventuras e contar relatos, historias que veñen a ela e historias que ten que procurar: nenas e nenos que rompen os estereotipos de xéneros, de nenas decididas e nenos sensíbeis, de violencia ou agresividade que desaparecen co poder da palabra, etc.

Raquel Queizás (Queirugas, Verín) é unha escritora e contacontos apaixonada pola narración oral, as historias tradicionais galegas, a lectura e o teatro. É actriz, monicrequeira, filóloga (Universidade de Santiago, 1998), e sobre todo, contadora de historias. O seu repertorio inclúe contos tradicionais, lendas de cada recuncho, adaptacións de contos de autor e historias propias.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...