O Carné Xove ofrecerá descontos en libros, material escolar e papelería

20 Setembro 2019

20190920. A conselleira de Política Social, Fabiola García, asinou coa presidenta da Federación de Librarías de Galicia, Pilar Rodríguez, o acordo de adhesión desta entidade ao Carné Xove, polo que a mocidade se beneficiará de descontos nas 150 librarías que forman parte desta entidade. Estes descontos serán dun 10% en papelería e material escolar e dun 5% en libros para a xente nova que sexa titular desta tarxeta.

Este acordo coincide co inicio do curso escolar, polo que é “unha oportunidade para facerse con todo o material para levar á escola a un custe reducido.” As librarías que se suman a esta iniciativa colocarán nun lugar visible o adhesivo que identifica o programa Carné Xove.

A conselleira agradeceu á Federación de Librarías de Galicia que se sumara a este programa que na actualidade conta con máis de 3000 centros adheridos que abranguen tódolos ámbitos coma o cultural, aloxamento, transportes, comercial ou ensino, entre outros. Ao redor de 40.000 mozas e mozos galegos, con idades comprendidas entre os 12 e os 30 anos, son xa usuarios do Carné Xove, que poden utilizar non soamente na Comunidade Autónoma senón noutras zonas de España e en 40 países europeos que tamén participan desta iniciativa.

En Ribeira, esta tarxeta pode ser tramitada na Casa da Xuventude a un prezo 6 euros e cunha validez de 2 anos.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...